1. Ra’nodoshlar (atirgullilar oilasi)ga mansub, ko‘pincha tog‘li joylarda yovvoyi holda o‘sadigan, sariq yoki qizg‘ish, dumaloq mevali daraxt va uning yeyishli mevasi. Jondan kechmasang — jonona qayda, toqqa chiqmasang — do‘lana qayda? Maqol
To‘p-to‘p o‘sgan yovvoyi do‘lana, na’matak shoxlarida chumchuqlar chug‘urlashardi. S. Anorboyev, Oqsoy

2. Shu daraxt yog‘ochidan ishlangan munchoq. U [amaki] yo‘g‘on kalta barmoqlari bilan ayvonda do‘lana tasbeh o‘girib o‘tirar edi. P. Tursun, O‘qituvchi
Eshakka do‘lana taqqandek, senga fartuqni kim ilib qo‘ydi? I. Rahim, Ixlos