Lug‘atlar

So‘z tarkibi: {kaltak}
So‘z bo‘g‘inlari: kal-tak
Izoh(lar)i:
kaltak ot

1. Daraxt, buta kabilarning barg-butoqsiz uzun shoxi (singan yoki maxsus qirqib olingan, ho‘l yoki quruq). Tekinga o‘rgangan tekinxo‘r qo‘liga kaltak ilinsa ham, kerak bo‘lib qolar, deb olib ketaverar ekan. Mushtum
Oyimcha bibi ularni [tovuqlarni] ko‘rdi-yu qo‘liga tushib qolgan bir kaltakni havola qilib, tirqiratib haydab, qarg‘ay-qarg‘ay uyiga kirib ketdi. K. Yashin, Hamza

2. Urish, savash, haydash uchun ishlatiladigan maxsus yog‘och; tayoq, govron. [Jallod] Bandining tizzasidan quyisiga, oyoqlari suyagining qirrasiga kaltak bilan qattiq bir urdi. S. Ayniy, Esdaliklar
[Sherbek] Kuliga kaltak olib, mol boqqani qirga chiqqanida quvonchini ichiga sig‘dira olmay dumbaloq oshgan edi. S. Anorboyev, Oqsoy

3. folk. lk. To‘qmoq, cho‘qmor; gurzi. To‘qson botmon cho‘yan kaltak qo‘limda. Shirin bilan Shakar
[Ko‘kaldoshning] Taqimida besh yuz botmon kaltagi. Alpomish

4. Tayoq, musht va shu kabilar zarbi; urish. [La’li] bekning kaltaklari ham yodidan ko‘tarilib, alanga chayqalayotgan yerga yugurdi. H. G‘ulom, Mash’al
Suvonjonning kaltakka toqat qilishi Oysuluvga badtar alam qildi. S. Anorboyev, Oqsoy

5. ko‘chma hma Qattiq teguvchi, zarba bo‘luvchi narsa; dakki. Avaz uyiga kirgach, o‘zicha kulib: Mening she’rim ular uchun kaltak bo‘ladi, — deb qo‘ydi. J. Sharipov, Xorazm
Cholning har bir maqtov so‘zi polvonga kaltak bo‘lib tushmoqda edi. H. Nazir, O‘tlar tutashganda

Antonim(lar)i: mavjud emas.
Sinonim(lar)i: mavjud emas.
Omonimlari: mavjud emas.
Paronimi: mavjud emas.
Qomus: mavjud emas.

1. alifni kaltak deyolmaslik: -

2. alifni kaltak deyolmaydi: g‘irt savodsiz, hech narsa bilmaydi

3. boshda kaltak sinmoq: -

4. boshida kaltak sinmoq: -

5. kaltak boshda sinmoq: -

6. kaltak boshida sinmoq: -

7. oqkaltak-qorakaltak bo‘lmoq: kim kim bilan to‘g‘ri kelgan narsa bilan qurollanib urishmoq; savalashmoq.

8. tila kaltak kelmoq: -

9. tilga kaltak kelmoq: -

10. tiliga kaltak kelmoq: -

1. Urmoq – kaltaklamoq – do‘pposlamoq – savamoq – solmoq – tushirmoq – so‘qmoq
Bo‘yog‘iga ko‘ra
(belgini kuchli darajada ifodalashiga ko‘ra)

Milliy bo‘yoqdor so‘z: mavjud emas.