Lug‘atlar

So‘z tarkibi: {mard}
So‘z bo‘g‘inlari: mard
Izoh(lar)i:
mard sf

1. Qo‘rqishni bilmaydigan; qo‘rqmas, botir, jasur. Tantiboyvachcha bobilladi: — Dev poylagan tilsimdan uni qaysi mard olib ketadi. Oybek, Tanlangan asarlar
Mard kishidan o‘lim ham qo‘rqadi. I. Rahim, Chin muhabbat

2. Er kishiga xos ijobiy fazilatlarga ega, aytganining ustidan chiqadigan, tanti, hotam. Va’daga vafo qilmoq — mardlarga xos fazilat. G‘ayratiy
Mard bo‘lsangiz, buni bo‘yningizga oling. P. Qodirov, Uch ildiz
Mard odam imzosini ochiq qo‘yadi. S. Siyoyev, Otliq ayol
Qizim, akang mard yigit edi, nomusli yigit edi. Nomus bilan, mardlik bilan o‘ldi. Oybek, Tanlangan asarlar

3. s. t. t. Umuman, biror ishni qila oladigan, biror ish qo‘lidan keladigan kishi. Bularga o‘z vaqtida issiq choy damlab berib turadigan mardning o‘zi yo‘q. Oydin, Bechora
Dutor qo‘lma-qo‘l bo‘ldi, lekin uni, nomiga bo‘lsa-da, ting‘illatadigan mard topilmadi. Mushtum

Antonim(lar)i: nomard [f-t], qo‘rqoq , yuraksiz , chumchuq pir etsa , yuragi shir etadigan , chumchuq pir etsa yuragi shir etadigan
Sinonim(lar)i: botir [f-t<mo‘g‘ bahodir], himmatli , tanti , er
Omonimlari: mavjud emas.
Paronimi: mart – [lot] Fevral va aprel oralig‘idagi uchinchi oy.
Qomus: mavjud emas.
Ibora(lar): mavjud emas.

1. Botir – jasur – dov yurak – qo‘rqmas – mard – yovqur
Bo‘yog‘iga ko‘ra
(tushuncha belgisini kuchli ifodalashiga ko‘ra)

2. Xalq – xaloyiq – el – ulus – mardum
Bo‘yog‘iga ko‘ra
(qo‘llanish doirasining keng-torligiga ko‘ra)

3. Yaramas – nomard – ablah – iflos – razil – badkor
Bo‘yog‘iga ko‘ra
(salbiylik bo‘yog‘ining ortib borishiga ko‘ra)

Milliy bo‘yoqdor so‘z: mavjud emas.