1. Rahm-shafqat yuzasidan ko‘rsatiladigan iltifot, himmat, yaxshilik. Do‘stlarning marhamati. Marhamat ko‘rmoq. ▬ Agar mening bu xizmatim xon janobining marhamatiga loyiq ko‘rilur ekan, — dedi hoji, — menga eng manzur bo‘lgan mukofot o‘g‘limning ozod qilinishidir. A. Qodiriy, O‘tgan kunlar
Xon hazratlari, farzandimni, xonumonimni — hammasini marhamatingizga topshirdim. P. Qodirov, Yulduzli tunlar

2. und. s. s. Taklif yoki rozilik bildiruvchi so‘z. — Cheksam maylimi? — Marhamat! [Maysara:] Qani, taqsirim, to‘rga marhamat! Hamza, Maysaraning ishi

3. Marhamat (xotin-qizlar ismi).