1. Bir-biriga juft yoki mos bo‘lmagan, jufti, poyi adashgan, boshqa-boshqa, adash (juft holda ishlatiladigan narsalar haqida). Poyma-poy tufli. Poyma-poy qo‘lqop. Poyma-poy paypoq. U ▬ ham shu lahza Umidni ko‘rib, yuragi urib ketdi. U Umidga yaqinlashgan sari, qadamlari beo‘xshov tushar, poyma-poy tufli kiyib olgandek, qiynalar edi. Mirmuhsin, Umid
Domla g‘uldurab, bir navi duo qildi-da, kalishini avval poyma-poy kiyib, bukchayib, boshqatdan to‘g‘rilab oldi. H. G‘ulom, Mash’al

2. ko‘chma hma Mazmuni bir-biriga bog‘lanmagan, qovushmagan, poyintar-soyintar, telba-teskari. Poyma-poy gap. Poyma-poy so‘zlab bermoq. ▬ Asrora Karimjonning kelishini kutib, dunyodagi jami tashvishlarni unutgan, gaplari ham allaqanday poyma-poy, qiliqlari o‘ziga yarashmagandek, yerda yurayotganga emas, osmonda uchib yurganga o‘xshardi. S. Ahmad, Ufq
Gavhar uni ko‘rganida ham, poyma-poy gaplarini eshitganida ham indamay turaverdi. O‘. Hoshimov, Qalbingga quloq sol