1. Ijtimoiy madaniyatning estetik zavq beruvchi, musiqa, musavvirlik, haykaltaroshlik kabi voqelikni badiiy obrazlar vositasida aks ettiruvchi har bir ayrim sohasi.
Tasviriy san’at. Me’morlik san’ati. San’at va adabiyot.
▬
Dunyodagi har qaysi soha o‘z san’atiga va o‘z madaniyatiga ega.
Yoshlik
Kinematografchilar o‘z ijodiy rejalari, kino san’atini rivojlantirish to‘g‘risidagi o‘ylari bilan o‘rtoqlashdilar.
Gazetadan
Zargarlik san’ati eng.ko‘hna san’atlardan biri bo‘lib, u dekorativ-amaliy san’at xili sifatida keng tarqalgan.
Gazetadan
2. Turli amaliy-tatbiqiy sohalarning o‘ziga xos ish uslubi, sistemasi.
Harbiy san’at.
▬
Uch-to‘rt kilometrga cho‘zilgan tepalik harbiy-injenerlik san’ati bilan uzoq yillar davomida qurilgan mustahkam qal’aga o‘xshardi.
I. Rahim, Chin muhabbat
3. ko‘chma hma Muayyan faoliyat sohasidagi yuksak mahorat, ustalik; iste’dod.
So‘z san’ati. Notiqlik san’ati.
▬
Yosh xonandalar, raqqosalar o‘z san’atlarini namoyish etdilar.
Gazetadan
Fursatdan foydalanmoq o‘zi bir san’at, hunar.
Q. Muhammadiy
Kuldirishga san’at kerak, kulishga sof yurak.
Gazetadan
4. Adabiyotshunoslikda: badiiy asar poetikasini ta’minlovchi vosita.
Talmeh san’ati.
▬
Ruju’ — ma’naviy san’atlardan biri bo‘lib, arabcha qaytish demakdir.
O‘TA
5. San’at (xotin-qizlar va erkaklar ismi).