1. Kvars qumiga boshqa ba’zi moddalarni qo‘shib eritish va kimyoviy ishlov berish yo‘li bilan olinadigan qattiq va shaffof material; oyna. Shisha eritadigan pech. Shisha ishlab chiqarmoq. ▬ Bu doktorxona to‘g‘risida Sotiboldining bilgani shu: salqin, tinch baland va chiroyli oq imorat; shisha qabzali eshigida qo‘ng‘iroq tugmasi bor. A. Qahhor, Bemor

2. Shunday materialdan yasalgan har xil shakldagi turli idish va buyumlar. Bir shisha atir. Pivo shishasi. ▬ Uning baxtiga bir vaqtlar stadionda birgalashib bo‘sh shishalar tergan bolalardan biri yo‘liqib qoldi. I. Rahim, Tinimsiz shahar
Lekin bu o‘qlarning biri devorni teshib ketdi, ikkinchisi chiroq shishasini chil-chil sindirdi. H. G‘ulom, Mash’al