1. Biror ish, tadbirni amalga oshirish tartib-qoidalari majmui. Kimni kolxozga olish, kimni kolxozdan chiqarish kolxozchilarning o‘z ixtiyorida. Buning o‘z yo‘l-yo‘rig‘i bor. O‘rtoq Samandarov ana shu yo‘l-yo‘riqni buzganlar deydilar, xolos. A. Qahhor, Qo‘shchinor chiroqlari
Biz buning yo‘l-yo‘rig‘ini sudlardan so‘rab-so‘rab, o‘zimiz ham yarim-yalpi sud bo‘lib qolganmiz. Hamza, Paranji sirlari

2. Bajarish tartibi, yo‘li haqidagi fikr, gap, ko‘rsatma. Hamma jim bo‘ldi. O‘tirganlar vaziri buzruk tomon qarab, undan qandaydir yo‘l-yo‘riq kutdi. J. Sharipov, Xorazm
To‘lqin olimlardan yo‘l-yo‘riq so‘rab, maslahat olib keldi. E. Usmonov, Yolqin

3. Ish-topshiriq, bajariladigan ishlar haqida ko‘rsatma; buyruq. U kishining yo‘l-yo‘riqlarini bizlar hech qanday gap-so‘zsiz bajo keltiramiz. K. Yashin, Hamza